Python – summer training 2011 – session 1

كنت مستمتع جدا انهاردة معاكوا يا شباب واتمنى اكون افدتكم فى اول يوم فى التدريب ليكوا معايا ودى الماتيريالز اللى قولتلكم عليها هتقدروا من اللينك تنزلوا الكتاب وعليكم قراءة اول 5 شباتر منه عشان تقدروا تحلوا التاسكات المطلوبة منكم

Download book

فى الحقيقة السيشن دي انا كنت اديتها قبل كدة السنة اللى فاتت فجيبتلكم السلايد نفسها من على السلايد شير

بالتوفيق للجميع ان شاء الله وانتظرونى فى الحلقة الثانية يوم الاربعاء الساعة 12 فى نفس الميعاد ان شاء الله

وقريبا جدا … بلوج خاصة بالبايثون وبس .. مفاجأة للجميع ان شاء الله

C# Fudamentals and Advanced Edtions Course

this is announcing of a new course of C#  if you are interesting you can fill the form below

The Form

hope to be filled in 3 days

the minimum number of members to start is 10 and any inquiries you can ask here and i’ll  answer all isA the contents will be e-mailed to the registered members isA

Next Session (How To Python)

السلام عليكم ورحمة الله وبركاته

اولا احب اعتزر لكل متابعى المدونة بتاعتى عن عدم التدوين طول الفترة اللى فاتت  وان شاء الله هيكون فيه تدوينات كتير الفترة اللى جاية

ثانيا احب اعرض على حضراتكم انهاردة واعلن عن وجود مجموعة من المحاضرات الخفيفة فى الفترة اللى جاية  وهيكون اولهم ان شاء الله يوم الثلاثاء القادم فى شركة برفيكت امام مستشفى الكلى والحضور للجميع ان شاء الله

ثالثا بالنسبة لموضوع المحاضرات دى هتكون غالبا فى البرمجة بشكل عام ومش عاوز اكشف عنهم كلهم مرة واحدة ولكن هابدأ بسيشن فى البايثون واضح من عنوان البوست طبعا  وهيكون بعنوان

How To Python

*Program with Python

وان شاء الله هيكون فيه مقدمة سريعة عن البايثون والبرمجة بشكل عام اتمنى الجميع يستفيدوا من السيشنز دى

الثلاثاء – 13 اكتوبر 2010 – بشركة برفيكت

الساعة 02:00 ظهرا ان شاء الله

   

good luck for all

سيشن برمجة 7 ساعات بس

امبارح كان اخر يوم فى كورس السي شارب وكان يوم بصراحة مش عادى … وطبعا شرحت حوالى 7 ساعات زى ما هو واضح فى العنوان وبصراحة انا كنت مستمتع جدا رغم الارهاق اللى انا شوفته وبجد استمتعت بالكورس كله لان فيه ناس كتير كانوا منتبهين وكانوا متابعين كويس وانا اتوعدلهم بمستقبل ممتاز ان شاء الله واتمنى ان يكون كل اللى كانوا حاضرين فى الكورس كانوا مستمتعين بردو بالكورس وحقيقي بجد …. هافتقد الكورس ده

بخصوص الكورس

بسم الله الرحمن الرحيم

مبدأيا انا مبسوط جدا والله على ان الفكرة لاقت منكم قبول شديد جدا واتمنى انى اكون عند حسن ظن الجميع ان شاء الله

ثانيا : بالنسبة للكورس ، عاوز اقولكم يا جماعة ان الكورس ده مش هيكون كورس والسلام اعلمكم فيه كلمتين واقلب فى الحقيقة انا ناوى انى ااهلكم للشغل بجد مش ككورس دراسي يعنى واتمنى ان ربنا يوفقنى فى ده معاكوا ان شاء الله …. الكورس هيكون عبارة عن اول تراك من ال MCPD وده طبعا على هيئة دبلومة ومش عاوز اقولكم انا عملت ايه عشان اجيب مكان مناسب وبسعر مناسب وكمان اتفق على شهادات تضمن لكم حقكم وتثبت انكم اخدتم كورس بجد ومش لعب والسلام مع العلم فى ان الشهادة مش هى اللى بتثبت انك جامد وان الشغل بتاعك بيعبر عنك باقوى حد ممكن…. ده بالنسبة للكورس واللى هناخده

بالنسبة بقة للمكان … ان شاء الله هيكون فى لاب من لابات شركة ITEC واحد هيقولى وانا اعرف مكان شركة اى تك دى ازاى هاقوله على عنوانها حالا والمطلوب بالظبط من حضراتكم انكم هتروحوا هناك بالتكلفة اللى اتفقت معاهم عليها وتسجلوا فى الكورس وتاخدوا ايصال بده ولما تروحوا هتقولوا ايه ؟ …. النص كالتالى “لو سمحت انا عاوز احجز فى كورس البرمجة بتاع البشمهندس مدحت داود” لانه دى هى كلمة السر التفق عليها هناك المهم يا جماعة دلوقت العنوان : “شارع الترعة فوق البنك الاهلى القديم” ولو مش عارف اى حاجة ممكن تروح عند برج الشيماء وتسأل عن الشركة والف من هيدلك ان شاء الله

نيجي للتكلفة …. بجد والله انا كان نفسي بقدر الامكان انى اقلل التكلفة على قد ماقدر وبعد جدال طال مع مدير حسابات الشركة هناك تم الاتفاق على مبلغ مجمل وتم تقسيمه على كل فرد 150 جنيه والسعر ده ماكانش كدة طبعا لانه تمن الدبلومة دى فى الشركة تقدروا تروحوا وتسألوا عليها بنفسكم .. ما علينا المهم اننا عرفنا ايه المطلوب بالظبط

1- تروح للشركة فى العنوان المبين او تسأل عليها

2- تاخد معاك 150 وتسجل اسمك فى الكورس وتاخد ايصال وده مهم جدا

3- اوعوا تنسوا كلمة السر

4- التأكيد على الميعاد ان شاء الله هيكون على الايميلات ويا ريت يكون فيه اضافات للناس كلها على الميل ده dev_medhat@hotmail.com

وفى النهاية اتمنى التوفيق للجميع واتمنى التوفيق لنفسي فى المهمة دى ان شاء الله

ولو فيه اى استفسارات تانية عن حاجة مش واضحة يا ريت تكتبوها هنا…. وشكرا

Course for free :)

السلام عليكم ورحمة الله وبركاته ……. ازيكم ؟ عاملين ايه ؟ عشان ماطولش بصراحة فيه ناس كتير سألتني من الفرقة الاولى انا عاوز اتعلم برمجة او اى حاجة وعاوز اعرف اخد فين ومتحمسين جدا لانهم يبدأوا ودى روح كويسة انا احيها فيهم وربنا يوفقهم يا رب ومن الاتجاه ده انا باعرض على طلبة الفرقة الاولى اللى ان شاء الله هيكونوا فى الفرقة التانية السنة الجاية واللى مهتمين بالامر اللى ذكرته انى موجود فى المنصورة من اول شهر يوليو ولغاية نص شهر اغسطس طبعا لظروف التدريب الصيفي وقررت انى بجانب التدريب ممكن ادى كورس مجانى للمهتمين طبعا وهيكون فيه مبادئ البرمجة عموما و التراك الاول من كورس الـ ام سي بي دى خصوصا واللى بيتكلم عن مبادئ السي شارب بحذافيرها انا مش هاطول عليكم لكن حبيت اعرض خدماتى المتواضعة وكل المطلوب هو ان اللى عاوز فعلا الكورس ده يرد هنا فى الموضوع اما بتقوية الفكرة او بهدم الفكرة وعلى نهاية الامتحانات ان شاء الله هنشوف التصويت وصل لكام ولو اتكونت مجموعة هنتفق هيبقى فين وكل التفاصيل التانية وانا موجود للرد على اى استفسارات وبالمناسبة فيه فعلا شباب كلمونى وهما اللى اقترحوا عليا الموضوع ده ….. اسف للاطالة وشكرا